കൊച്ചി: തങ്ങളുടെ ആവശ്യങ്ങള്‍ അംഗീകരിക്കാതെ സംസ്ഥാനത്ത് തിയറ്ററുകള്‍ തുറക്കില്ലെന്ന് ഫിലിം ചേംബര്‍. വിനോദ നികുതി ഒഴിവാക്കണമെന്നും വൈദ്യുതി ബില്ലില്‍ ഇളവ് അനുവദിക്കണമെന്നും പ്രദര്‍ശന സമയം മാറ്റണമെന്നുമാണ് ഫിലിം ചേംബറിന്റെ നിലപാട്. 50 ശതമാനം ആളുകളെ പ്രവേശിപ്പിച്ച് തിയേറ്റര്‍ തുറക്കാനാകില്ലെന്നും ഫിലിം ചേംബര്‍ വ്യക്തമാക്കിയിട്ടുണ്ട്.
ഇളവുകള്‍ നല്‍കാത്തതില്‍ കഴിഞ്ഞ ദിവസം മുഖ്യമന്ത്രിക്കെതിരെ ഫിലിം ചേമ്പര്‍ രംഗത്തെത്തിയിരുന്നു. ഉടമകളുടെ ആവശ്യങ്ങള്‍ പരിഗണിക്കാമെന്ന് സര്‍ക്കാര്‍ ഉറപ്പ് നല്‍കിയിരുന്നെന്നും എന്നാല്‍ നിവേദനത്തില്‍ തീരുമാനം ഉണ്ടാകാത്തതിനാലാണ് തീയേറ്ററുകള്‍ തുറക്കാനാകില്ലെന്ന തീരുമാനം കൈകൊണ്ടതെന്നും ചേംബര്‍ ഭാരവാഹികള്‍ വ്യക്തമാക്കി.
