വായനക്കാരെ തൊട്ടുണര്‍ത്തി ‘ചെപ്പും പന്തും’

വായനക്കാരെ തൊട്ടുണര്‍ത്തി ‘ചെപ്പും പന്തും’

ഫിദ
യുവ എഴുത്തുകാരന്‍ ദേവദാസ് വിഎമ്മിന്റെ ചെപ്പും പന്തും എന്ന നോവല്‍ ചര്‍ച്ചയാവുന്നു. ഡിസി ബുക്‌സ് പ്രസിദ്ധീകരിച്ച ഈ കൃതി മലയാളസാഹിത്യത്തിന് പുത്തന്‍ പ്രതീക്ഷകള്‍ നല്‍കുന്നതാണെന്നാണ് പൊതുവെയുള്ള വിലയിരുത്തല്‍. വ്യത്യസ്തമായ ശൈലി ഈ നോവലിനെ പരമ്പരാഗത നോവലില്‍ നിന്നും വേറിട്ട് നിര്‍ത്തുന്നു.
‘ചെപ്പും പന്തും’ എന്ന കൃതിയിലൂടെ ഒരു വായനക്കാരന്‍ അസ്വസ്ഥനാവുന്നുണ്ടെങ്കില്‍ അത് ഒരു എഴുത്തുകാരനെ സംബന്ധിച്ചെടുത്തോളം അദ്ദേഹത്തിന്റെ വിജയമാണ്. വായനക്കാരന്റെ മനസ്സിനെ ഉലച്ചുകൊണ്ടല്ലാതെ ഈ കൃതിയിലെ ഒരു കഥാപാത്രവും മുന്നോട്ടു പോകുന്നില്ലെന്നത് ശ്രദ്ധേയമാണ്.
രണ്ടു വ്യത്യസ്ത കാലഘട്ടങ്ങളിലായി ഒരിടത്തു ജീവിച്ച രണ്ട് മനുഷ്യന്മാരുടെ ജീവിതങ്ങള്‍ എന്ന് ഒരൊറ്റ വരിയിലൊതുക്കാവുന്നതല്ല ഈ നോവല്‍. അതിനപ്പുറം വലിയൊരു ലോകത്തേക്ക് ഈ പുസ്തകം വായനക്കാരെ കൊണ്ടെത്തിക്കും. എന്തായാലും വരും ദിവസങ്ങളില്‍ ചെപ്പും പന്തും കൂടുതല്‍ ചര്‍ച്ചചെയ്യപ്പെടുമെന്ന കാര്യം ഉറപ്പ്.

 

Post Your Comments Here ( Click here for malayalam )
Press Esc to close