വിഷ്ണു പ്രതാപ്-
ന്യൂഡല്ഹി: ചൈനീസ് മോട്ടോര് സൈക്കിള് നിര്മ്മാതാക്കളായ CF MOTO 2019 ജൂലായിലാണ് 300NK വിപണിയിലെത്തിയത്. സ്ട്രീറ്റ് ഫൈറ്റര് ബൈക്ക് ആയ CF MOTO 300NKയ്ക്ക് 2.29 ലക്ഷം ആയിരുന്നു എക്സ്ഷോറൂം വില.
300NKയുടെ BS6 പതിപ്പ് കഴിഞ്ഞ ദിവസം CF MOTO വില്പനക്കെത്തിച്ചു. സാധാരണ പുതയപതിപ്പുകള് വിപണിയിലെത്തുമ്പോള് വില കൂടുന്നത് പതിവാണ്. എന്നാല്, CF MOTO 300NK യുടെ പുതിയ പതിപ്പിന് വില കൂടിയിട്ടില്ല.
മാത്രമല്ല BS4 പതിപ്പില് നിന്നും വലിയ വ്യത്യസമില്ലാതെയാണ് BS6 CF MOTO 300NK വിപണിയിലെത്തിച്ചിരിക്കുന്നത്.
താഴേക്ക് ഇറങ്ങി ക്രമീകരിച്ചിരിക്കുന്ന എല്ഇഡി ഹെഡ്ലാംപ്, അണ്ടര്ബെല്ലി എക്സ്ഹോസ്റ്റ്, സ്ട്രീറ്റ് ഫൈറ്റര് ബൈക്കുകള്ക്ക് യോജിക്കും വിധം എടുത്തുകാട്ടുന്ന സ്റ്റീല്ട്രെല്ലിസ് ഫ്രെയിം, ബോഡി ഘടകങ്ങള് തീരെ കുറഞ്ഞ ടെയില് സെക്ഷന് എന്നിവയാണ് ഡിസൈന് സവിശേഷതകള്.