വിഷ്ണു പ്രതാപ്-
ന്യൂഡല്‍ഹി: വിവിധ ക്ലാസുകളിലെ സിലബസുകള്‍ വെട്ടിക്കുറക്കുവാന്‍ സിബിഎസ്ഇ ആലോചിക്കുന്നു. കോവിഡ് പ്രതിസന്ധി മൂലം അധ്യയന ദിവസങ്ങള്‍ കുറഞ്ഞത് പരിഗണിച്ചാണ് ഈ നീക്കം. സിലബസില്‍ 25 മുതല്‍ 33 വരെ ശതമാനം കുറവു വരുത്താനാണ് ആലോചന. 9 മുതല്‍ 12 വരെയുള്ള ക്ലാസുകളിലെ പുതുക്കിയ സിലബസ് ഉടനെ പ്രസിദ്ധപ്പെടുത്തിയേക്കും. 2021ലെ പരീക്ഷകള്‍ പുതുക്കിയ സിലബസിന്റെ അടിസ്ഥാനത്തിലാവും നടത്തുകയെന്ന് സിബിഎസ്ഇ ചെയര്‍മാന്‍ മനോജ് അഹൂജ പറഞ്ഞു.
സംസ്ഥാന സിലബസുകളിലും മാറ്റങ്ങളുണ്ടാകാന്‍ സാധ്യതയുണ്ടെന്നാണ് അറിയാന്‍ സാധിച്ചത്. കേരള സിലബസിന്റെ കാര്യത്തില്‍ ഈ ആഴ്ച തീരുമാനം എടുക്കും. എന്‍സിആര്‍ടിഇ പ്രൈമറി ക്ലാസുകളില്‍ സ്‌കൂള്‍ അധ്യയന ദിവസങ്ങളുടെ കുറവ് വീട്ടിലെ പഠനം കൂടി ഉള്‍പ്പെടുത്തി പരിഹരിക്കാനുള്ള മാര്‍ഗരേഖ പ്രസിദ്ധീകരിച്ചിട്ടുണ്ട്.
