ഗായത്രി
തിരു: സാമ്പത്തികവും സാമൂഹികവുമായി പിന്നാക്കം നില്‍ക്കുന്നവര്‍ക്കായി കനറാ ബാങ്ക് നടപ്പാക്കുന്ന സൗജന്യ കമ്പ്യൂട്ടര്‍ പരിശീലന പദ്ധതിയുടെ 84, 85 ബാച്ചുകളുടെ ഉദ്ഘാടനം തിരുവനന്തപുരം സര്‍ക്കിള്‍ ജനറല്‍ മാനേജര്‍ ജി.കെ. മായ നിര്‍വഹിച്ചു. ഡെപ്യൂട്ടി ജനറല്‍ മാനേജര്‍മാരായ എസ്. സന്തോഷ് കുമാര്‍, ബാബു കുര്യന്‍, കനറാ ബാങ്ക് ഇന്‍സ്റ്റിറ്റിയൂട്ട് ഒഫ് ഇന്‍ഫര്‍മേഷന്‍ ടെക്‌നോളജി (സി.ബി.ഐ.ഐ.ടി) ഡയറക്ടര്‍ എസ്. മഹാദേവന്‍ എന്നിവര്‍ സംബന്ധിച്ചു.
സൗജന്യ കമ്പ്യൂട്ടര്‍ പരിശീലന പദ്ധതി 2001ലാണ് കനറാ ബാങ്ക് തിരുവനന്തപുരത്ത് ആരംഭിച്ചത്. ഇതിനകം 3,820 പേരെ പരിശീലിപ്പിച്ചു. ഇവരില്‍ 93 ശതമാനം പേര്‍ ഇന്ത്യയിലെയും വിദേശത്തെയും പ്രമുഖ കമ്പനികള്‍ ജോലി നേടി.
