ഗായത്രി-
തൃശൂര്‍: ഇന്നും നാളെയും കാത്തലിക് സിറിയന്‍ ബാങ്ക് ജീവനക്കാര്‍ പണിമുടക്കും. ഇതോടെ തുടര്‍ച്ചയായി അഞ്ചുദിവസം ബാങ്കിന്റെ പ്രവര്‍ത്തനം സ്തംഭിക്കും.
ഓഫിസര്‍മാരുടെ വിരമിക്കല്‍ പ്രായം 60ല്‍ നിന്നും 58 ആക്കി ചുരുക്കിയ ഏകപക്ഷീയ ഉത്തരവ് പിന്‍വലിക്കുക, 2017 ഒക്‌ടോബര്‍ 31ന് കാലഹരണപ്പെട്ട ഉഭയകക്ഷി വേതന കരാര്‍ പുതുക്കുന്നതിന് അനുമതി നല്‍കുക, ജീവനക്കാരുടെ അവധി, അലവന്‍സുകള്‍, ലീവ് ഫെയര്‍ കണ്‍സെഷന്‍ തുടങ്ങിയ ആവശ്യങ്ങള്‍ ഉന്നയിച്ചാണ് ദ്വിദിന പണിമുടക്ക്.
നടപ്പുവര്‍ഷം 197 കോടി രൂപ നഷ്ടം പ്രഖ്യാപിച്ച കാത്തലിക് സിറിയന്‍ ബാങ്ക് 98 വര്‍ഷം പഴക്കമുള്ള കേരളത്തിലെ ആദ്യകാല ബാങ്കുകളിലൊന്നാണ്.
