വിഷ്ണു പ്രതാപ്-
ഡല്ഹി: കശുവണ്ടി കയറ്റുമതിയില് ഇടിവ് തുടര്ക്കഥയാവുന്നു. തുടര്ച്ചയായ പതിനൊന്നാം മാസമാണ് കശുവണ്ടി കയറ്റുമതി ഇടിയുന്നത്. കണക്കുകള് പ്രകാരം, സെപ്തംബറില് 38 ശതമാനത്തിന്റെ ഇടിവോടെ 2.27 ഡോളറിന്റെ കയറ്റുമതി മാത്രമാണ് നടന്നത്. നിലവില്, കൃഷി ആന്ഡ് ഗ്രാം ഉദ്യോഗ് യോജനയുടെ ഭാഗമായി കയറ്റുമതി ആനുകൂല്യങ്ങള് കേന്ദ്ര സര്ക്കാര് നിര്ത്തലാക്കിയിട്ടുണ്ട്.
ഇത് കയറ്റുമതിയെ നേരിയ തോതില് ബാധിച്ചിട്ടുണ്ടെന്നാണ് വിലയിരുത്തല്. ആഗോള തലത്തില് കശുവണ്ടിക്ക് മികച്ച ഡിമാന്ഡ് നിലനില്ക്കുമ്പോള് കയറ്റുമതി ഇന്സെന്റീവുകളുടെ നിരോധനം കയറ്റുമതിയെ തളര്ത്തി.ഇന്ത്യയില് പ്രതിവര്ഷം ശരാശരി 3.50 ലക്ഷം മുതല് 3.70 ലക്ഷം ടണ് വരെയാണ് കശുവണ്ടി ഉല്പ്പാദിപ്പിക്കുന്നത്