ഗായത്രി-
കൊച്ചി: ഇരുപത്തിനാലാമത് ഇന്ത്യ ഇന്റര്നാഷണല് വിദ്യാഭ്യാസ പ്രദര്ശനം ‘കരിയേഴ്സ് ആന്ഡ് ക്യാമ്പസസ്’ 10, 11 തീയതികളില് മറൈന് ഡ്രൈവിലെ താജ് ഗേറ്റ്വേ ഹോട്ടലില് നടക്കും.
വിവിധ കോഴ്സുകള്, കുറഞ്ഞ ചെലവില് യൂറോപ്പ്, ക്യാനഡ, മറ്റ് രാജ്യങ്ങള് എന്നിവിടങ്ങളില് ഡിഗ്രി,പിജി പഠനാവസരങ്ങള്, വിദേശത്ത് പഠനത്തോടൊപ്പം ജോലി എന്നിവ പ്രദര്ശനത്തില് പരിചയപ്പെടാം. ഇന്ത്യന് സര്വകലാശാലകളുടെ നൂറുകണക്കിന് വ്യത്യസ്ത കോഴ്സുകളെപ്പറ്റി അവരുടെ സ്റ്റാളുകളില്നിന്ന് നേരിട്ട് മനസ്സിലാക്കാം.
ഇന്ത്യയിലും വിദേശത്തുമായി പഠനം സാധ്യമാകുന്ന കോഴ്സുകളുമായി കോളേജുകളും പ്രദര്ശനത്തില് പങ്കെടുക്കുന്നുണ്ട്.
ഇന്ത്യന്, വിദേശ സര്വകലാശാല പ്രതിനിധികളും പങ്കെടുക്കും. വിദേശ എംബിബിഎസ് പഠനത്തിന്റെ വിപുലമായ വിവരങ്ങളും പ്രദര്ശനത്തില് ലഭിക്കും. കരിയര് ക്ലിനിക്കില് വ്യക്തിഗത കരിയര് കൗണ്സിലിങ്ങും ഉണ്ടായിരിക്കും. പ്രവേശനം പകല് 11 മുതല് രാത്രി ഏഴുവരെയാണ്. വിദ്യാര്ഥികള്ക്കും രക്ഷിതാക്കള്ക്കും സൗജന്യം.