ഏലക്കക്ക് റെക്കോര്‍ഡ് വില

ഏലക്കക്ക് റെക്കോര്‍ഡ് വില

ഗായത്രി-
കൊച്ചി: ഏലക്കാ വില റെക്കോഡില്‍. കിലോക്ക് 40 രൂപ ഉയര്‍ന്ന് വില 1,760 രൂപയിലെത്തി. പുറ്റടി സ്‌പൈസസ് പാര്‍ക്കില്‍ ഇന്നലെ നടന്ന ലേലത്തിലാണ് ഏലക്കയ്ക്ക് ഉയര്‍ന്ന വില ലഭിച്ചത്.
ഇടുക്കി ഡിസ്ട്രിക്ട് ട്രെഡിഷനല്‍ കാര്‍ഡമം പ്രഡ്യൂസര്‍ കമ്പനിയുടെ, പുറ്റടി ലേല സെന്ററില്‍ നടന്നിട്ടുള്ളതില്‍ ഏറ്റവും കൂടിയ വിലയാണിത്. ലേലത്തില്‍ 200 ലോട്ടുകളിലായി, 34453 കിലോയാണ് വില്‍പനക്കുണ്ടായിരുന്നത്. ഈ മാസം രണ്ടിന് വണ്ടന്‍മേട്ടില്‍ നടന്ന ഗ്രീന്‍ ഗോള്‍ഡിന്റെ ലേലത്തിലാണ് ഇതിന് മുമ്പ് ഏലക്കാ വില ഉയര്‍ന്നത്. 1,719.55 ആയിരുന്നു അന്നത്തെ ശരാശരി വില. 66031 കിലോയാണ് അന്ന് വില്‍പനക്ക് വന്നത്. വേനല്‍ മഴ ലഭിക്കാത്തതും വരള്‍ച്ചമൂലം ഏലം ചെടികള്‍ വ്യാപകമായി ഉണങ്ങുന്നതുമാണ് വിലക്കയറ്റത്തിന് കാരണം.

Post Your Comments Here ( Click here for malayalam )
Press Esc to close