അളക ഖാനം-
മനാമ: ബഹ്റൈനില് ഡ്രൈവ്-ഇന് സിനിമ പ്രദര്ശനത്തിനം ആരംഭിച്ചു. കോവിഡ് പ്രതിസന്ധിയെത്തുടര്ന്ന് സിനിമാ തീയേറ്ററുകള് അടഞ്ഞുകിടക്കുന്ന സാഹചര്യത്തില് കാറുകളിലിരുന്ന് സിനിമ കാണാനുള്ള അവസരമാണ് ബഹ്റൈന് ബേയില് ഒരുക്കിയത്. ഒരേസമയം 100 കാറുകള് പാര്ക്ക് ചെയ്ത് സിനിമ കാണാന് ഉള്ള നൂതന സംവിധാനമാണ് അധികൃതര് ഇവിടെ ഒരുക്കിയിട്ടുള്ളത്. വാണിജ്യ, വ്യവസായടൂറിസം മന്ത്രി സായിദ് അല് സയാനി ഉദ്ഘാടനം ചെയ്തു. ചടങ്ങില് വിവിധ വ്യക്തിത്വങ്ങളും സിനിമ മേഖലയിലുള്ള പ്രമുഖരും സംബന്ധിച്ചു. ആഴ്ചയില് 2 ചിത്രങ്ങള് പ്രദര്ശിപ്പിക്കും. എല്ലാ ദിവസവും രണ്ട് സിനിമകളാണ് പ്രദര്ശിപ്പിക്കുക. വാഹനങ്ങളില് രണ്ടോ നാലോ പേര്ക്കിരുന്നു സിനിമ കാണാവുന്ന പാക്കേജുകളാണുള്ളത്. ഭക്ഷണ പാനീയങ്ങള് വിതരണം ചെയ്യും. ഇത് ഓണ്ലൈനില് ടിക്കറ്റിനൊപ്പമോ അല്ലാതെയോ ബുക്ക് ചെയ്യാം. വാരാന്ത്യങ്ങളില് സംഗീത, ഉല്ലാസ പരിപാടികളും ഉണ്ടാകും.