അളക ഖാനം-
കലിഫോര്ണിയ: ടെക് ലോകത്തെ ഞെട്ടിക്കാന് പുതിയ മോഡലുകള് പുറത്തിറക്കാനൊരുങ്ങി ആപ്പിള്. സെപ്റ്റംബര് 12ന് കലിഫോര്ണിയിലെ ആപ്പിള് പാര്ക്ക് ഹെഡ്ക്വാര്ട്ടേഴ്സില് നടക്കുന്ന ചടങ്ങില് മൂന്ന് ഐഫോണ് മോഡലുകള് പുറത്തിറക്കുമെന്നാണ് സൂചന.
ഐഫോണ് എക്സിന്റെ പരിഷ്കരിച്ച പതിപ്പായ 5.8 ഇഞ്ച്, 6.1 ഇഞ്ച്, 6.5 ഇഞ്ച് എന്നീ സ്ക്രീന് വലുപ്പങ്ങളുള്ള മൂന്ന് മോഡലുകളാണ് പുറത്തിറക്കുകയെന്നാണ് റിപ്പോര്ട്ട്. ബയോമെഡ്രിക് സംവിധാനങ്ങളോട് കൂടിയ ഫേസ് ഐഡിയോടെ ആയിരിക്കും പുതിയ മോഡലുകളും പുറത്തിറങ്ങുക.
ഇതുകൂടാതെ ആപ്പിള് വാച്ച് സീരിസിലെ പുതിയ പതിപ്പും പുറത്തിറക്കുമെന്നും റിപ്പോര്ട്ടുണ്ട്. ആപ്പിള് മാക് ബുക്ക് എയര്, പരിഷ്കരിച്ച മാക് മിനി, ഐപാഡ് എന്നിവയും അവതരിപ്പിച്ചേക്കും.