ഫിദ-
ചെന്നൈ: അമേരിക്കന് കമ്പനിയായ ആപ്പിള് ചൈനീസ് പ്ലാന്റുകളിലെ നിര്മാണം പൂര്ണമായും ഉപേക്ഷിക്കാനുള്ള നീക്കത്തിലാണെന്ന് റിപ്പോര്ട്ട്. ഇന്ത്യയിലെ പ്ലാന്റുകളില് കൂടുതല് മോഡല് ഐഫോണുകള് നിര്മിക്കാനാണ് ആപ്പിളിന്റെ നീക്കം. റിപ്പോര്ട്ട് അനുസരിച്ച് ചരിത്രത്തിലാദ്യമായി തങ്ങളുടെ ഏറ്റവും പുതിയ, പ്രീമിയം ശ്രേണിയിലുള്ള ഹാന്ഡ്സെറ്റായ ഐഫോണ് 11 മോഡല് ഇപ്പോള് കമ്പനി ഇന്ത്യയില് നിര്മിച്ചു തുടങ്ങിയിരിക്കുകയാണ്. ആപ്പിളിനായി ഐഫോണുകള് നിര്മിച്ചു കൊടുക്കുന്ന ഫോക്സ്കോണ് കമ്പനിയുടെ ചെന്നൈയിലുള്ള ഫാക്ടറിയിലാണ് ഐഫോണ് 11ന്റെ നിര്മാണം ആരംഭിച്ചിരിക്കുന്നത്.
ഐഫോണ് 11ന്റെ വിലയില് ഏകദേശം 22 ശതമാനം കുറവു വന്നേക്കാമെന്നാണ് പ്രതീക്ഷിക്കുന്നത്. 22 ശതമാനമാണ് ആപ്പിള് ഇപ്പോള് നല്കുന്ന ഇറക്കുമതി ചുങ്കം. ഇതു കുറഞ്ഞേക്കമെന്നാണ് റിപ്പോര്ട്ട്.