ഫിദ-
പ്രേമം എന്ന ചിത്രത്തിലെ ചുരുണ്ട തലമുടിക്കാരിയായി മലയാളിയുടെ മനം കവര്ന്ന താരമാണ് അനുപമ പരമേശ്വരന്. പിന്നീട് തമിഴിലും തെലുങ്കിലും സജീവമായ താരം അവിടെയും പ്രേക്ഷക ശ്രദ്ധ നേടി. ദുല്ഖര് സല്മാന്റെ ‘മണിയറയിലെ അശോകന്’ എന്ന ചിത്രത്തിലൂടെ സഹസംവിധായികയായും അനുപമ അരങ്ങേറ്റം കുറിക്കുകയാണ്.
തെലുങ്കിലൊക്കെ അഭിനയിച്ചപ്പോള് അനുപമ അല്പ്പം ഹോട്ട് ആയി എന്നൊക്കെ സംസാരമുണ്ട്. എന്നാല് തെലുങ്കിലോ കന്നഡയിലോ ഒക്കെ മുഖം കാണിച്ചാല് പിന്നെ ഹോട്ട് ആയി എന്നതൊക്കെ വെറുംതെറ്റിദ്ധാരണയാണെന്ന് അനുപമ പറയുന്നു. നല്ലതല്ലാത്ത സിനിമകള് ഏതു ഭാഷയിലും ഉള്ളതു പോലെ തെലുങ്കിലും ഉണ്ട്. വലിയ ഹോട്ട് ലുക്കിലൊന്നും ഞാന് തെലുങ്കില് വന്നിട്ടില്ല. സാരിയുടുക്കുമ്പോള് സൈഡില് അല്പ്പം വയറ് കാണുന്നതും കഴുത്തിറക്കി വെട്ടിയ ബ്ലൗസ് അണിയുന്നതും ഒക്കെയാണോ ഹോട്ട്. മുണ്ടും ബ്ലൗസും ഇട്ട് അഭിനയിച്ചിരുന്ന നായികമാര് നമുക്ക് ഉണ്ടായിരുന്നില്ലേ ആ സീനുകള് സിനിമയുടെ ടീസറിന് വേണ്ടി ചെയ്തതാണ്. അതായിരിക്കും ഞാന് ചെയ്തതില് മാക്സിമം ഹോട്ട് ലുക്ക്. അപ്പോഴേ എന്നെ ഹോട്ട് ആയി തോന്നിയെങ്കില് അത് തോന്നിയവരോട് ഒന്നേ പറയാനുള്ളു. താങ്ക് യൂ.., അനുപമ കൂട്ടിച്ചേര്ത്തു.