അളക ഖാനം
മാഡ്രിഡ്: മൈക്രോസോഫ്റ്റ് സ്ഥാപകന്‍ ബില്‍ഗേറ്റ്‌സിനെ പിന്തള്ളി വസ്ത്രവ്യാപാര ശൃംഖലയായ സറയുടെ സ്ഥാപകനും ശതകോടീശ്വരനുമായ അമന്‍ഷ്യോ ഒര്‍ട്ടേഗ ലോകത്തിലെ ഏറ്റവും വലിയ സമ്പന്നനായി. 7800 കോടി ഡോളറാണ് ഒര്‍ട്ടേട്ടഗയുടെ ആസ്തി. ബില്‍ഗേറ്റ്‌സിന്‍േറത് 7740 കോടി ഡോളറും.
സ്‌പെയിനിലെ റെയില്‍വേ ജോലിക്കാരന്റെ മകനായ ഒര്‍ട്ടേഗ സമ്പത്തിന്റെ നെറുകയിലെത്തിയിട്ടും വന്നവഴി മറന്നില്ല. പലപ്പോഴും ഓഫിസ് കാന്റീനില്‍ തന്റെ ജോലിക്കാരുടെ കൂടെയിരുന്നാണ് ഭക്ഷണം കഴിച്ചിരുന്നത്. മുന്‍ ഭാര്യ റൊസൈലക്കൊപ്പം വീടിന്റെ ഒറ്റമുറിയിലിരുന്നാണ് സാറയെന്ന ബിസിനസ് സ്ഥാപനം തുടങ്ങിയത്.
