അജയ് തുണ്ടത്തില്-
പ്രേക്ഷകശ്രദ്ധയാകര്ഷിച്ച ‘നല്ല വിശേഷം’ എന്ന ചിത്രത്തിനുശേഷം അജിതന്, കഥയെഴുതി സംവിധാനം ചെയ്യുന്ന ചിത്രത്തിന് ‘വരാല്’ എന്ന് പേരിട്ടു. പ്രവാസി ഫിലിംസിന്റെ ബാനറില് നിര്മ്മിക്കുന്ന രണ്ടാമത്തെ ചിത്രമാണിത്. പ്രമുഖ താരത്തിനൊപ്പം നല്ലവിശേഷത്തിലെ നായകന് ശ്രീജി ഗോപിനാഥന് ഒരു സുപ്രധാനവേഷം അവതരിപ്പിക്കുന്നു. മലയാളത്തിലും തമിഴിലുമായിട്ടാണ് ചിത്രം നിര്മ്മിക്കുന്നത്. ചിത്രത്തിന്റെ തിരക്കഥയൊരുക്കുന്നത് അജയന് കടനാട്. സംഗീത സംവിധാനം നിര്വ്വഹിക്കുന്നത് വിനു തോമസ്, സുജിത് നായര് എന്നിവരാണ്. താരനിര്ണ്ണയം പുരോഗമിക്കുന്ന ചിത്രത്തിന്റെ പിആര്ഓ അജയ് തുണ്ടത്തിലാണ്. വരാല് 2020 ജനുവരിയില് റിലീസ് ചെയ്യും.