അളക ഖാനം
മംഗളൂരു: അജയ് വിപിന്‍ നാനാവതി സിന്‍ഡിക്കേറ്റ് ബാങ്കിന്റെ ചെയര്‍മാനായി സ്ഥാനമേറ്റു. അമേരിക്കയിലെ വിര്‍ജീനിയ ടെക് യൂണിവേഴ്‌സിറ്റിയില്‍ നിന്നുള്ള കെമിക്കല്‍ എന്‍ജിനിയറിംഗ് ബിരുദധാരിയായ അജയ്, 1988ല്‍ ‘3എം’ എന്ന സ്ഥാപനത്തിലൂടെയാണ് ഔദ്യോഗിക ജീവിതം ആരംഭിക്കുന്നത്. മൂന്നു പതിറ്റാണ്ടോളം 3എമ്മില്‍ സേവനമനുഷ്ഠിച്ച അദ്ദേഹം അമേരിക്ക, സിംഗപ്പൂര്‍, ഇസ്രയേല്‍, ഓസ്റ്റിന്‍ എന്നിവിടങ്ങളിലും പ്രവര്‍ത്തിച്ചു. 3 എമ്മില്‍ നിന്ന് വിരമിച്ചശേഷം ഗ്ലോബല്‍ ചാനല്‍ സര്‍വീസസ് ആന്റ് യു.എസ് അറ്റ്‌ലാന്റിക് പസഫിക് ഓപ്പറേഷന്‍സിന്റെ ഡയറക്ടറായി പ്രവര്‍ത്തിച്ചു.
നിലവില്‍ അലികോണ്‍ സര്‍വീസസിന്റെ ഡയറക്ടര്‍ ബോര്‍ഡംഗമായ അദ്ദേഹം ഒട്ടേറെ ചെറുകിട ഇടത്തരം സ്റ്റാര്‍ട്ടപ്പ് സംരംഭങ്ങളുടെ ഉപദേഷ്ടാവും ഏയ്ഞ്ചല്‍ ഇന്‍വെസ്റ്ററുമാണ്.
