അളക ഖാനം-
ദോഹ: ഇന്ത്യയിലെ ബജറ്റ് വിമാനക്കമ്പനിയായ എയര് ഇന്ത്യ എക്സ്പ്രസ് പുതിയ സര്വിസ് ഖത്തറില് തുടങ്ങുന്നു. തമിഴ്നാട് തിരുച്ചിറപ്പള്ളിയില്നിന്ന് ദോഹയിലേക്കാണ് പുതിയ സര്വിസ്. ഈവര്ഷം മാര്ച്ച് 31 മുതല് സര്വിസ് ആരംഭിക്കും. തിരുച്ചിറപ്പള്ളിയില്നിന്ന് നേരിട്ടുള്ള സര്വിസ് ചൊവ്വ, വ്യാഴം, ശനി ദിവസങ്ങളില് മാത്രമായിരിക്കും.
പുലര്ച്ച 4.40ഓടെ ഖത്തര് ഹമദ് അന്താരാഷ്്ട്ര എയര്പോര്ട്ടില്നിന്ന് ആരംഭിച്ച് 11.55ഓടെ തിരുച്ചിറപ്പള്ളിയിലെത്തിച്ചേരും. തിരികെ രാത്രി 1.30ഓടെ തിരുച്ചിറപ്പള്ളിയില്നിന്ന് പറന്ന് പുലര്ച്ച 3.40ന് ഖത്തറില് ഇറങ്ങുന്ന തരത്തിലാണ് ഷെഡ്യൂള്. ഈ മേഖലയിലേക്കുള്ള യാത്ര ടിക്കറ്റ് ബുക്കിംഗ് എയര്ലൈന് വെബ്സൈറ്റില് തുടങ്ങി. തിരുച്ചിറപ്പള്ളിയില്നിന്ന് നേരിട്ട് ഖത്തറിലേക്കുള്ള ആദ്യ വിമാന സര്വിസിനാണ് എയര് ഇന്ത്യ എക്സ്പ്രസ് ഒരുങ്ങുന്നത്.