കൊച്ചി: സിനിമയില്‍ അഭിനയിപ്പിക്കാമെന്നു വാഗ്ദാനം നല്‍കി നിര്‍മാതാവ് പീഡിപ്പിച്ചതായുള്ള യുവതിയുടെ പരാതിയില്‍ തുടര്‍ നടപടികള്‍ പ്രാഥമിക അന്വേഷണത്തിനുശേഷം ഉണ്ടാകുമെന്ന് പോലീസ്. പരാതിയുമായി ബന്ധപ്പെട്ട് നിര്‍മാതാവിനെ ഉള്‍പ്പെടെ പോലീസ് ചോദ്യം ചെയ്യും.
പരാതിയില്‍ തുടര്‍ നടപടികള്‍ സ്വീകരിച്ചുവരുന്നതായും വരും ദിവസങ്ങളില്‍തന്നെ നിര്‍മാതാവില്‍നിന്ന് വിവരങ്ങള്‍ ചോദിച്ചറിയുമെന്നും പോലീസ് പറഞ്ഞു. തൃശൂര്‍ സ്വദേശിനിയായ 25കാരിയാണ് എറണാകുളം നോര്‍ത്ത് പോലീസില്‍ പരാതി നല്‍കിയത്.
2017 കാലഘട്ടത്തിലാണ് പരാതിക്കടിസ്ഥാനമായ സംഭവം്. പരാതിയില്‍ കേസ് രജിസ്റ്റര്‍ ചെയ്തതായും പ്രാഥമിക അന്വേഷണം നടത്തിയാലെ വിശദമായ വിവരങ്ങള്‍ ലഭ്യമാകൂവെന്നും നോര്‍ത്ത് പോലീസ് അറിയിച്ചു.
