വിഷ്ണു പ്രതാപ്-
ന്യൂഡല്‍ഹി: ഡോളറുമായുള്ള രൂപയുടെ വിനിമയമൂല്യം ഇടിഞ്ഞു. ചരിത്രത്തിലെ ഏറ്റവും കുറഞ്ഞ നിരക്കായ 70.82ലാണ് രൂപ ഡോളറിനെതിരെ വ്യാപാരം നടത്തുന്നത്. 23 പൈസയുടെ ഇടിവാണ് രൂപക്ക് ഉണ്ടായത്. ഡോളറിന്റെ ആവശ്യകത വര്‍ധിച്ചത് രൂപക്ക് തിരിച്ചടിയാവുകയായിരുന്നു.
കഴിഞ്ഞ ദിവസം 70.59ലാണ് രൂപ വ്യാപാരം അവസാനിപ്പിച്ചത്. രൂപക്കൊപ്പം തുര്‍ക്കി, ചൈനീസ് കറന്‍സികളും തിരിച്ചടി നേരിടുകയാണ്. ക്രൂഡോയില്‍ വിലയിലുണ്ടാവുന്ന വ്യതിയാനങ്ങളും രൂപക്ക് തിരിച്ചിടിയായെന്നാണ് സാമ്പത്തികവിദഗ്ധരുടെ അഭിപ്രായം. 2018ല്‍ 10 ശതമാനം തകര്‍ച്ചയാണ് രൂപയുടെ മൂല്യത്തിലുണ്ടായത്. രൂപയുടെ മൂല്യം ഇടിഞ്ഞതോടെ ഇറക്കുമതി, വിദേശ വിദ്യാഭ്യാസം, വിദേശ യാത്ര എന്നിവയെല്ലാം പ്രതിസന്ധി നേരിടും. ഓഹരി വിപണിയും ഇന്ന് നഷ്ടത്തോടെയാണ് വ്യാപാരം ആരംഭിച്ചത്. സെന്‍സെക്‌സ് 32.55 പോയിന്റ് നഷ്ടത്തോടെ 38,690.38ലും നിഫ്റ്റി 11.30 പോയിന്റ് നഷ്ടത്തിലുമാണ് വ്യാപാരം നടത്തുന്നത്.
