രാംനാഥ് ചാവ്ല
ന്യൂഡല്ഹി: നവംബറിലെ ചരക്കുസേവന നികുതി (ജിഎസ്ടി) വരുമാനം 80,808 കോടി രൂപയായി കുറഞ്ഞു. തുടര്ച്ചയായ രണ്ടാം മാസമാണ് ജിഎസ്ടി വരുമാനം കുറയുന്നത്. ഒക്ടോബറില് 83,000 കോടി രൂപയായിരുന്നു ജിഎസ്ടി ഇനത്തില് ലഭിച്ചത്.
ഈ മാസം 25 വരെ ശേഖരിച്ച നവംബറിലെ ജിഎസ്ടി വരുമാനം 80,808 കോടി രൂപയാണെന്നും 53.06 ലക്ഷം റിട്ടേണുകള് ഫയല് ചെയ്തിട്ടുണ്ടെന്നും ധനമന്ത്രാലയം വാര്ത്താക്കുറിപ്പില് അറിയിച്ചു. ലഭിച്ച തുകയില് 7,798 കോടി രൂപ കോമ്പന്സേഷന് സെസ് ആണ്. കൂടാതെ 13,089 കോടി രൂപ കേന്ദ്ര ജിഎസ്ടിയും 18,650 കോടി രൂപ സംസ്ഥാന ജിഎസ്ടിയും 41,270 കോടി രൂപ ഇന്റഗ്രേറ്റഡ് ജിഎസ്ടിയുമാണ്.